சோக நாயகர்கள்

  இவ்வுலகில் படைக்கப்பட்ட பாதிக்கு மேற்பட்ட ஃபாண்டஸி கதை காவியங்களில் இன்றி அமையாமல் இருக்கும் ஒரு அமைப்பு சோக நாயகர்களின் வடிவமைப்பு. அந்த டிராஜிக் ஹீரோக்களே கதையை முழுமைப் படுத்துகிறார்கள். கடைசி வரை வெறுக்கப்பட்டும் முடிவில் ரசிகர்களால் கொண்டாடப்படும் கதாபாத்திரங்களாக உருப்பெற்று நம் மனதில் தங்கி விடுகிறார்கள்.
 அப்படி என் மனதில் இருக்கும் சில காவிய சோக நாயகர்களை பற்றிய ஒரு சின்ன பதிவு.

1. கர்ணன்:

                                     மகாபாரதம் என்னும் மிகப்பெரிய நெடுங்காவியம் பல நாயகர்களைக் கொண்டதாக வடிவமைக்கப்பட்டது. கிருஷ்னன்,அர்சுனன், த்ரெளபதி, தர்மன் என கதை நெடுக பல காவிய நாயகர்களால் மூழ்கிக் கிடந்தாலும் ஒரு கதாபாத்திரம் நம் மனதில் ஆழமாக இடம் பிடித்தது என்றால் அது கர்ணன் தான்.

                                  பாண்டவர்களால் முதலில் அவமானங்களை சந்தித்து அவர்கள் மீது வெறுப்போடு வளர்ந்து, பின் அவர்கள் தன் தம்பிகள் என தெரிந்தும் அவர்களுக்கு எதிராக போர்க்களம் புகுந்து அவர்கள் கைகளாலேயே இறக்கிறான் கர்ணன்.
           
                                  
2. கோலும் :

                                     லார்ட் அஃப் தி ரிங்கிஸ் மற்றும் ஹாபிட் நாவல்களிலும், சினிமாக்களிலும் வரும் கதாபாத்திரம். சக்தி வாய்ந்த ஒற்றை மோதிரத்தால் மனம் பிறழப்பட்டு அதற்கு அடிமையாகப் போய்விடும் கோலும் கதாபாத்திரம் முதலாக ஹாபிட் நாவலில் வருகிறது.
           
                                   ஹாபிட் நாவலில் பில்போவிடம் அந்த மோதிரத்தை கோலும்  இழப்பதாக மட்டுமே வருகிறது, மோதிரத்தை பற்றியோ கோலுமை பற்றியோ ஹாபிட் நாவலில் மேற்க்கொண்டு எதுவும் சொல்லப்படவில்லை. லார்ட் ஆஃப் தி ரிங்கிஸின் முதல் நாவலான “The Fellowship of the Ring" இல் மோதிரத்தின் கதையும் கோலுமின் முன் கதையும் விளக்கப்படுகிறது.

                                 கோலும் மோதிரத்தை திருப்பி பெறுவதற்காகவே ஃப்ரோடோவை பின் தொடர்ந்தது என்றாலும்,ஃப்ரோடோவிடம் இடையில் ஏற்படும் நட்புணர்வு, பின் ஃப்ரோடா ஏமாற்றப்பட்டதாக கருதி அவனை பழிவாங்க வேண்டும் என்றே அவனுக்கு பின்னால் வந்து கதையின் ஸ்வாரஸ்யத்தை கடைசி வரை தக்க வைக்க பெரும் உதவியாக இருந்து மிக முக்கியமான கதாபாத்திரம்.
              
                                  கோலுமின் முன் கதையை பீட்டர் ஜாக்ஸன் மூன்றாம் பாகத்தில் தான் சொன்னது என்பது ஜாக்ஸனின் ஆழ்ந்த சினிமா அறிவு. (ஹாட்ஸ் ஆஃப் பி.ஜே).

3. செவெரஸ் ஸ்நேப்.:

                                  கொஞ்சம் டைம் டிராவல் பன்னி (ஞே..) என்னை நீங்க சந்திக்கிற வாய்ப்பு உங்களுக்கு கிடைச்சு. என்கிட்ட நீங்க உனக்கு பிடிக்காத ஒரு கதாபாத்திரம் சொல்லுனு சொன்னா, நான் யோசிக்காம “ஸ்நேப்”னு சொல்லி இருப்பேன்.
              
                                சந்தேகமே இல்லாம நான் ரொம்ப வெறுத்தது ஹாவ் பிளட் பிரின்ஸ் ‘ஸ்நேப்”ஐ தான். குறிப்பா ஆல்பஸ் டம்புல்டோரை கொலை செஞ்சதுக்கு அப்புறம் வோல்டமோர்டுக்கு முன்னாடி இவனை போட்டுத் தள்ளனும் தான் நினைச்சேன்.

                                என் ஒட்டு மொத்த வெறுப்பையும் காதலாக மாற்றிவிட்டது “deathly hallows"இல வரும் ஸ்நேப்பின் முன்கதை. படிக்கும் போதும் சரி, படம் பார்க்கும் போதும் சரி நான் அதிகம் அழுத இடம்(ஹ்ம்ம்) அது தான். அதுவும் நாம ஸ்நேப் கதையை அப்படியே பின்னோக்கி பார்த்தா ஒவ்வொரு இடத்துலயும் அவர் எப்படி ஹாரியை காப்பாத்தி இருக்காருனு பார்க்கும் போது சான்ஸே இல்ல.. தாங்க்ஸ் ஜே.கே.ரெள.

சரி இந்த மூன்று கதாபாத்திரங்களும் இந்த மூன்று கதைகளின் மூலம் தெரிந்தவர்களுக்கு மிகவும் பிடித்தமான கதாபாத்திரங்கள் அதுக்க என்ன காரணமாக இருக்கும். எனக்கு தெரிந்த ஒவ்வொன்றாக பார்க்கலாம்.

1. மூவருக்கும் இருக்கும் யாருக்கும் தெரியாத சோகக் கதைகள்.

2. அவர்களின் இறப்புக்கு பின்னாலே அனைவராலும் அறிப்படுவது, வாழும் பொழுது அனைவராலும் அவமானப்படுத்தபடுவது, இவ்விரு விசயங்களை நாம நம் வாழ்க்கையோடு ஒன்றாகப் பார்க்கிறோம். நாமே அந்தக் கதாபாத்திரங்களோ என்ற உணர்வை சோக நாயகர்கள் நமக்குள் மிக எளிதாக உருவாக்கிவிடுகிறார்கள்.

3. அவர்கள் செய்யும் தவறுகளும் பின்னால நன்மையாக முடியும். இது நாம ஆசைப் படும் விசயம்.

4.வெற்றியிலிருந்து விரட்டப் படுகிறார்கள். நமக்கு  இப்படி நடக்கிறதோ என

தோன்றும் எண்ணங்களில் இதுவும் ஒன்று,

5. அவர்களுக்குள் இருக்கும் ஒரு ரகசியம்.

கிட்டதட்ட நம்மை ஒற்றுப் படைக்கப்பட்ட கதாபாத்திரங்களாக இவர்கள் உருப்பெற்று நிலைப்பதே இவர்களை அனைவருக்கும் மிகவும் பிடித்துப்போக காரண்மாக இருக்கிறது.

கடைசியாக...

ஜான் ஸ்னோ சோக நாயகனா....

கேம் ஆஃப் த்ரோன்ஸில் வரும் ஜான் ஸ்னோ கதாபாத்திரம் ஒரு சோக நாயகனா. இந்த சந்தேகம் எனக்கு முதல் அத்தியாயத்தை பார்க்கும் போதே வந்துவிட்டது. அதற்கு காரணம் முதல் அத்தியாயத்திலேயே அவன் மேல் வைக்கப் பட்டிருக்கும் ரகசியம். அந்த ரகசியமே கதையின் முடிவுக்கு காரணமாகவும் இருக்கலாம்.. பொறுத்திருந்து பார்ப்போம்...

JUSTICE LEAGUE: GODS AND MONSTERS

டிசியின் அனிமேஷன் படங்களுக்கு மிகப் பெரிய ரசிகப் பட்டாளம் உலகம் முழுவதும் உண்டு, மார்வெல்லின் ஆதிக்கம் ஹாலிவுட்டை மட்டும் அல்லாமல் உலகம் முழுவதும் வசூல் வேட்டையை தொடர்ந்து வந்தாலும் டிசி காமிக்ஸ் கதாநாயகர்களுக்கு இந்தியா போன்ற நாடுகளில் இருக்கும் ரசிகர்களுக்கு காரணம் டிசியின் தரமான அனிமேஷன் தயாரிப்புகள். 90களில் வெளிவந்த Batman:The original Animated Series,Justice League,Justice League : Unlimited,Batman Superman:Public enemies போண்ற படங்கள் இன்றும் பலரால் டவுண்லோடிப் பார்க்கப்பட்டுவருகிறது.

டிசி காமிக்ஸ் தன்னுடைய லைவ் ஆக்சன் டிவி சீரிஸ்களை 1950களிலேயே ஆரம்பித்துவிட்டது, ஆடம் வெஸ்டின் Batman சீரிஸ் இன்றும் அமெரிக்காவில் பிரபலாமானது. பிறகு 70களின் பிற்பகுதியில் கிரிஸ்டோவர் ரீவ்ஸின் நடிப்பில் வெளிவந்த அட்டகாசமான் “Superman" திரைப்படம். பல அட்டகாசமான் ஷாட்டுகள் நிறைந்தது அந்தப் படம். இன்றும் சூப்பர்மேன் என்றால் நமக்கு ஞாபகம வரும் அந்த சுழற் கதவில் கோட் சூட்டுடன் நுழைந்து பின் சூப்பர் மேனாக வெளிவரும் காட்சி அந்தப் படத்தில் தான் இருக்கும்.

பின் 80களின் முடிவில் டிம் பர்டனின் இயக்கத்தில் மைக்கேல் கேடன் பேட்மேனாக நடித்தப் படம் வெளிவந்த மீண்டும் காமிக்ஸ் கதாபாத்திரங்களை நிலைப் பெறச்செய்தது. பின் 90களில் பேட்மேன் படங்கள் தோல்வி அடைய மேலும் 90களில் தான் ஹாலிவுட்டில் இண்டிபெண்டன்ஸ் டே,மென் இன் ப்ளாக் போன்ற ஒரிஜினல் படங்களின் வெற்றியாலும் காமிக்ஸ் படங்கள் திரைக்கு வருவது குறைந்தது. இந்த சமயத்தில் தான் டிசி அனிமேஷன் சீரிஸிகளிலும்,படங்களிலும் தன் கவனத்தை திருப்பியது.

அனிமேஷன் சீரிஸ்கள் மூலம் டிசி தனது கதாபாத்திரங்களை அடுத்த தலைமுறைக்கு கொண்டுச்சேர்த்தது.Justice League:Unlimited மூலம் பல சிறு கதாபாத்திரங்களையும் மக்களின் பார்வைக்கு கொண்டு வந்தது. இப்படி டிசி போய்க் கொண்டிருக்கும் பொழுது அட்டகாசமான X-Men,ஸ்பைடர்மேன் படங்கள் மூலம் மார்வெல் தன் ஆதிக்கத்தை ஆரம்பித்து இன்று லைவ் ஆக்ஸ்ன் படங்களில் முழு ஆதிக்கத்தை செலுத்துகிறது. இருப்பினும் டிசியின் சிறந்த படைப்புகள் அனைத்தும் அனிமேஷன் படைப்புகளாக வந்துக் கொண்டேயிருக்கிறது. அதில் குறிப்பிடத்தக்க படங்கள் பல நேரடிபடங்களுக்கு சவால் விடக் கூடியவை குறிப்பாக, Flash point Paradox,Superman ,batman:Public enemies,Green Lantern:First flight,Batman:Man under the red hood போன்ற திரைப்படங்கள். மேலே கூறிய திரைப்படங்கள் அனைத்துக்கும் என்னால் முடிந்த சிறு குறிப்பை சீக்கிரமாகவே எழுதுவேன்.

அந்த வகையில் இப்பொழுது வந்திருக்கும் படம் தான் Justice League: Gods and Monsters. டிசி காமிக்ஸின் மைய்ப்புள்ளியாக இருப்பது The Multiverse theorey.அதாவது நாம் இருக்கும் உலகத்தைப் போலவே பல உலகங்கள் இருப்பது, அந்த உலகத்துக்கும்  நமது உலகத்துக்கும் சிறு வேறுபாடுகள் இருக்கும். அதாவது நாம் சூப்பர்மேன்,பேட்மேன்,ஃப்ளாஷ் போன்ற கதாபாத்திரங்கள் இருப்பது பிரைம் எர்த், அதே போன்று பல நகல் உலகங்கள் இருக்கும் சிறு அல்லது பெரிய வேறுபாடுகளோடு. அதே போன்று இந்த gods and monsters படம் நடக்கும் இடம் ஒரு தனிப்பட்ட உலகத்தில் இந்த படத்துக்கும் மற்ற டிசி அனிமேஷன் படத்துக்கும் எந்த தொடர்பும் இல்லை.

படத்தின் ஆரம்பதில் சூப்பர்மேனின் தந்தையான Jor-EL, மனைவி சாராவின் ட் dna குறிப்புகளோடு தன் குறிப்பை சேர்க்க நினைக்கும் தருவாயின் ஜெனரல் சாட் (இவர் சூப்பர்மேனின் முக்கியமான வில்லன்களில் ஒருவர், இவர் இல்லாமல் சூப்பர்மேனின் கதையை சொல்ல முடியாது) ஜொர் எல் லை தடுத்து தன்னுடைய குறிப்புகளை வைத்து ஒரு விமானத்தை உலக்கிற்க்கு அனுப்புகிறார். ஜெனரல் சாடின் மகனான சூப்பர்மேன் அமெரிக்காவின் எல்லையில் விழ அவனை ஒரு மெயிக்கோ அகதிகள் தூக்கிச் சென்று வளர்க்கின்றனர். பின் நிகழ் காலத்துக்கு வரும் நாம் Justice leagueஇன் தலைமை இடத்துக்கு வருகிறோம். அங்கே வாம்பயராக இருக்கும் பேட்மேனையும்,bekka என்னும் வொண்டர்வுமனையும் பார்க்கிறோம்.

பின் அந்த உலகத்தில் Justice League இன் மேல் சந்தேகம் வர வைப்பதைப் போல் மூன்று விஞ்ஞானிகளின் கொலைகள் நடக்கிறது. இதனால் ஜஸ்டிஸ் லீக்கின் மீது பலத்த எதிர்ப்பு வலுக்கிறது. ஜஸ்டிஸ் லீகை சட்டத்துக்கு கீழ் கொண்டு வர வேண்டும் என்ற நிபந்தனைகள் வைக்கப்படுகிறது. இந்தக் கொலைகளை செய்தது யார்.என்ன காரணம் என்பதை உலகின் சிறந்த டிடக்டிவ்வான பேட்மேன் கண்டிப்பிடப்பது தான் கதை. சூப்பர்மேனின் முன்கதையை போல் பேட்மேன்,வொண்டர் வுமனுக்கும் முன்கதைகள் இருக்கின்றன ஆனால் அவை கதையின் டிவிஸ்டுகளுக்கு மிகவும் முக்கியம் என்பதால் படத்தை பார்த்து தெரிந்துக் கொள்ளவும்.

டிசி காமிக்ஸ் இன்னும் மார்வெல்லைப்போல் நிலையான சினிமா யுனிவர்ஸை நிலைத்துக்கொள்ளவில்லையென்றாலும் ஒருவேளை அடுத்த வருடம் வரும் Batman v Superman:Dawn of Justice,Suicide Squad போன்றப் படங்கள் வெற்றியடைந்தால் இந்த மாதிரி அட்டகாசமான படங்கள் வெளிவரும் என்பதில் எந்த ஐயமும்மில்லை.

டிஸ்கி :டெக்ஸ்டர் ரசிகப் பெருமக்களே டெக்ஸ்டர் நாயகன் மைக்கேல் சி ஹால் தான் பேட்மேனுக்கு வாய்ஸ் ஆக்ட் செய்திருக்கிறார்.

கெளரவன்-- உருண்டன பகடைகள்

 நான் ஒரு ஐந்தாவது படிச்சிட்டிருப்பேன் நினைக்கிறேன்,முழு ஆண்டு விடுமுறை அப்போ சன் டிவில பி.ஆர் சோப்ராவோட மகாபாரதத்தை திங்கள் முதல் வெள்ளி வரைனு அந்த லீவுக்குள்ள பாக்குற மாதிரி போட்டாங்க, இது தான் மகாபாரத்தோட எனக்கு ஏற்பட்ட முதல் தொடர்பு. நான் அந்த தொடரை முழுசா பார்த்தேன்லாம் சொல்ல முடியாது ஆனா அதோட தொடக்க பாடல் மீது அப்படி ஒரு ஈர்ப்பு.உண்மையை ஒத்துக்கனும்னா 90கள்ல வந்த நிறைய தொடர்களுக்கு பாடல்கள் அருமையா இருக்கும்.

மகாபாரதம் பல்வேறு கதைகளின் கூட்டாக இருந்தாலும் அதன் முக்கிய கதையானது பாண்டவ கெளரவ சண்டையையே அடிப்படையாக இருக்கிறது. மகாபாரதம் என்றால் நம் அனைவருக்கும் நினைவுக்கு வருவதும் அது தான். அந்த மாபெரும் இதிகாசத்தில் கெட்டவனாக சொல்லப்படுபவன் துரியோதனன் ( இந்திய தொலைக்காட்சிகளைப் பொறுத்தவரை வியாசர் எழுதியதை விட அவனைக் கெட்டவனாக காட்ட இவர்கள் நிறைய எழுதியிருக்கிறார்கள்).

மகாபாரதம் பாண்டவர்களின் பார்வையில் எழுதப்பட்டது, அவர்களின் தர்மம் எது என்பதை விவரிக்கிறது. போரில் தோத்த துரியோதனனை கெட்டவனாக சித்தரிக்கிறது. ஆனால் பாரதத்தை தோற்ற கெளரவர்கள் பார்வையில் எழுதினால் எப்படி இருக்கும் என்பதே இந்த கெளரவன் நாவல்.

இந்தப் புத்தகத்தின் ஆரம்பத்தில்,ஆசிரியர் ஆனந்த் நீலகண்டன் கேரளாவின் மண்டலாவில் இருக்கும் துரியோதனன் கோவிலைப் பத்தி சொல்கிறார். துரியோதனன் எப்படி தீயவனாக இருக்க வாய்ப்பு இல்லை என்று சொல்லி துரியோதனின் கதையை சொல்ல ஆரம்பிக்கிறார்.

கேரளாவில் இருக்கும் துரியோதணன் கோவில்

கதையின் தொடக்கமே பீஷ்மர் காந்தாரத்தை திருதிராஸ்டிரனுக்கு மனைவியை தேடுவதற்காக அழித்து, அதில் காந்தாரியையும், ஏழு வயதான சகுனியை அஸ்தினாபுரம் கூட்டிச் செல்வதாக தொடங்குகிறது.அதிலிருந்து அக்கதை துரியோதனன் பிறப்பில் ஆரம்பித்து துரியோதனன் பார்வையில் செல்கிறது.

துரியோதனன் சிறு வயதில் இருந்தே துடுக்கு தனமானவன். அவனுக்கு அவனது நாட்டில் இருக்கும் சடங்கு சம்பிரதாயங்களை வெறுக்கிறான். ஒரு சிலரை உயர்ந்தவனாகவும் சிலரை தாழ்ந்தவனாகவும் பார்க்கும் சமுதாயத்தை வெறுக்கிறான். தன்னைப் போலவே வளரும் துரியோதனன் மீது அளவு கடந்த பாசத்தை வைக்கிறார் பீஷ்மர்.

காட்டில் பாண்டு இறந்த பின் குந்தி தன் ஐந்து மகன்களோடு அஸ்தினாபுர அரியனையை பிடித்தே ஆக வேண்டும் என்ற நோக்கோடு உள் நுழைகிறாள். அவளுக்கு அரசியல் ரீதியாக உதவுவதற்கு தெள்மியன் எனற தலைமை பிராமணன் திருதிராஸ்டிரர் அவையில் இருக்கிறான். அவன் துரியோதனைப் பற்றி அவதூறுகளைப் பரப்புவதில் கில்லாடியாக இருக்கிறான்,

வேதங்கள் அனைத்தையும் கற்றவரான கிருபரும் துரியோதனன் போல சடங்குகளை எதிர்கிறார்.தெளமியனிடம் இருந்து துரியோதனனை காப்பாற்றுகிறார். சடங்குகளையும், பிரோகிதர்கள் சொல்லும் விதிகளையும்,தர்மத்தையும் தட்டிக்கேக்காத பாண்டவர்களை எல்லாருக்கும் பிடித்து போகிறது. பின் இவர்கள் இருவருக்கும் குருவாகும் துரோனருக்கும் பாண்டவர்களே விருப்பமானவர்கள் ஆகிறார்கள். அஸ்வத்தாமன் துரியோதனனின் நண்பனாகிறான்.

துரோனரால் நிராகரிக்கப்பட்ட கர்ணனை கிருபரும், துவாரகையின் நாயகனான பலராமனும் தெற்கில் இருக்கும் பலராமரிடம் அனுப்புகிறார்கள்.பாரதத்தின் தெற்கானது முன்னால் பெருமையுடன் விளங்கிய அசுரர்கள் அழிந்து பரசுராமரின் கைப்பாவை அரசுகளால் இயங்கப்படுகிறது. அங்கே தன்னை பிராமணன் என்று சொல்லி சீடனாக சேர்கிறான் கர்ணன்.

இது வரைக்கும் சொன்னது கதையோட சின்ன ஆரம்பம் மட்டும் தான் ஆனா இந்தக் கதை இன்னும் பல அடுக்குகள்ல செல்லும். குறிப்பா இதுல வர ஜரன் கதாபாத்திரம். ஏகலைவனோட கூட இருக்கும் அந்த கதாபாத்திரம் இந்த கதை முழுவதும் எல்லா அத்யாயங்கள்லயும் வரும். கர்ணன் வள்ளலாவதற்கு காரணமாக ஜரன் கதாபாத்திரத்தை பயண்படுத்தியிருப்பது ஆசிரியரின் நேர்த்தி என சொல்லலாம்.

கதையை முடிந்த அளவுக்கு எதார்த்த பாணியில் சொல்லியிருக்கிறார் ஆணந்த், இதில் தேவர்கள் இல்லை இந்திரன் வெறும் வயதான அரசன் தான், கர்ணனுக்கு கவசக் குண்டலங்கள் ஒரு போட்டியில் கிடைக்கின்றது, திரெளபதி துருபதனுக்கு மகளாக பிறந்து வளர்கிறாள் யாகத்தில் உதிக்கவில்லை,கிருஷ்ணன் கடவுள் இல்லை அவன் வசீகரமான ஒரு அரசியல் தந்திரி மட்டுமே.


கதையின் முக்கிய வில்லன்களாக சித்தரிக்கப்படுவது சகுனியும் கிருஷ்னனும்,இருவரும் தங்களால முடிந்த அரசியல் விளையாட்டுகளை விளையாடுகிறார்கள். கிருஷ்னண் தன்னை கடவுளின் அவதாரமாக மக்களின் முன் நிறுவுகிறான் ஆனால் அவனது உண்மையான குனம் மேல்தட்டில் இருப்பவர்களை குளிரச் செய்து தன்னை கடவுள் அந்தஸ்த்துக்கு உயர்த்துவதில் தான் இருக்கிறது என்று இந்தக் கதையில் வருகிறது. தீவிர மதப்பற்றாளர் என்றால் இந்த நூலை வாங்காமல் இருப்பது நல்லது.

கதைகளை விதுரன்,துரியோதனன்,அர்ஜூனன்,கர்ணன்,ஏகலைவன்,ஜரன் பார்வைகளில் எழுதியிருக்கிறார்,இதனால் இக்கதாபாத்திரங்கள் மீது ஒரு வித ஈர்ப்பும்,அவர்களின் செயல்களில் நியாமமும் இருப்பதாக நம் மனதுக்கு தோண்றுகிறது.

நாவலின் இன்னொரு நேர்த்தி கதை எந்த இடத்திலும் மகாபாரதத்தில் வரும் சம்பவங்களை மறைக்கவில்லை, அரக்கு மாளிகை,சூதாட்டம் என எல்லாமும் வருகிறது ஆனால் இதில் எப்படி துரியோதனண் சூழ்ச்சியால் விழுந்தான் என்பதே கதையின் ஓட்டம்.

இரண்டாம் பாகத்தை ஆணந்த் போன வருடமே எழுதி முடித்தாலும் இன்னும் வெளிவராமல் நீண்டுக் கொண்டிருக்கிறது, நான் மிகவும் எதிர்பார்கும் நாவல்களில் அது இருக்கிறது.

ஜிகர்தண்டா (2014)

 நாம நம்ம வாழ்க்கையில தினமும் பல அபத்தமான அவமானங்களை சந்திச்சிக்கிட்டே தான் வாழ்க்கையை நடத்துறோம் உதாரணத்துக்கு நமக்கு பின்னாடி இருக்குற பையனுக்கு ஒரு பொன்னு சிக்னல் கொடுக்கும் போது அது நமக்கு வர சிக்னல்னு நினைச்சு ஹாய்னு பல்லை இளிக்கும் போது பின்னாடி இருந்து ஒரு கை வந்து “என்ன பாஸ்” அப்படினு கேக்கும், இல்ல ஜிம்ல புதுசா சேர்ந்திருக்கேன் அதான் கையை ரிலாக்ஸ் பன்னுனேன் சொல்லிட்டு எஸ்கேப் ஆயிருப்போம், இது போல நம்ம வாழ்க்கையில பல அபத்த நகைச்சுவைகள் நிரம்பியிருக்கும். இதோட ஸ்பெஷலே அது கடைசி வரைக்கும் ஒரு ஆர்வத்தை கொடுத்து இறுதில தான் நம்மளை மொக்கை செய்யும். ஜிகர்தண்டா ஒரு அபத்த நகைச்சுவைப் படம்.

 நாளைய இயக்குனர் நிகழ்ச்சி அரை இறுதிச் சுற்று வரைக்கும் வந்த கார்த்திக் (சித்தார்த்) படத்தை பார்த்த நடுவரான முன்னனி இயக்குனர் ( நாசர்) அவரது குறும்படத்தை குப்பை என திட்ட, அதை கேட்ட இன்னொரு நடுவரான முன்னனி தயாரிப்பாளர் கார்த்திக்கை பாராட்ட,கடைசியில் இயக்குனர் கார்த்திக்கை போட்டியில் இருந்து தூக்குகிறார், தயாரிப்பாளர் அவரை வைத்து படம் பன்ன ஒத்துக்கொள்கிறார்.

அடுத்த நாள் கார்த்திக் தயாரிப்பாளரிடம் கதை சொல்லி முடித்தவுடன் அந்தக் கதைப் பிடிக்காமல் ஒரு கேங்க்ஸ்டர் படம் தான் வேனும் என சொல்லி அனுப்புகிறார். உயிரோடு இப்பொழுது உச்சத்தில் இருக்கும் ஒரு ரவுடியின் கதையை எடுக்க வேண்டும் என முடிவு செய்து மதுரையில் இருக்கும் சேதுவை(சிம்ஹா) பற்றி படம் எடுக்கலாம் என முடிவி செய்து மதுரை வருகிறான் கார்த்திக்.பின் சேதுவின் கதை தெரிந்து கொள்ள குரங்கு பல்சி அடித்து கடைசியில் சேதுவே தன் கதையைச் சொல்லி எல்லாம் சுமூகமாக போகும் போது சேது தானே அந்தப் படத்தில் நடிப்பதாக ஷாக் கொடுக்க கார்த்திக் என்ன பன்னுகிறான்.இது தான் கதை.

கதை என்னமோ ஒரே இரவுல  எழுதுனக் கதை மாதிரி இருந்தாலும், படத்தின் பலமே அதன் திரைக்கதை தான். சேதுவை கொலை செய்வதற்காக ஒருவன் தியேட்டரில் இருக்கும் கழிவறையில் பதுங்கியிருக்கிறான் சேது கழிவறையை நோக்கிச் செல்லும் போது கழிவறையை சுத்தம் செய்யும் தொழிலாளி அவனை முதல் கழிவறைக்கு போ நல்லா சுத்தமா இருக்குனு சொல்லி அனுப்ப இடையில் இன்னொருத்தன் சேதுக்கு முன்னாடி சென்று அதுக்குள் நுழைந்து சாகும் பொழுது பின்னாடி இருந்து சிம்ஹா பார்க்கும் சீன் சூப்பர்.அதே மாதிரி சேதுவை ஒரு 5 பேர் சுத்திக் கொலை செய்ய வரும் போது காரில் ஒரு பக்கம் நுழைந்து 5 பேரையும் சுட்டு விட்டு மறுபக்கம் வெளிவரும் போதும் விசில் தான்.

முதல் பாதியில் ஒவ்வொரும் இடமும்,காட்சியும் ரொம்ப ஸ்டைலாவும் அதே சமயத்துல யதார்த்தமாவும் இருந்துச்சு. இசை அது தான் படத்தோட முக்கியமான அம்சமே, சினிமா தெரிந்த இசையமைபாளரா சந்தோஷ் நாராயணன் இருப்பது ரொம்ப சந்தோசமாவும் நிம்மதியாவும் இருக்கு.

இரண்டாவது பாதியைப் பத்தி தான் எல்லாரும் நெகடிவ் கருத்து சொல்லியிருப்பதாக கேள்விப்பட்டேன், அதனால கொஞ்சம் தயார் நிலையோட தான் போய் உட்கார்ந்தேன். ஒரு விசயம் சொல்லனும், நான் படம் பார்த்துக்கிட்டிருந்தது ஒரு சின்ன டவுன்ல தான், உண்மையச் சொல்றேன் முதல் பாதியை விட இங்க இரண்டாவது பாதியில தான் தியேட்டரில நல்ல ரெஸ்பான்சும்னு தோனுச்சு. மொத்ததில திருப்தினாலும் முதல் பாதில நமக்கு கொடுத்த நம்பிக்கைக்கு சுத்தமான வித்யாசமான படம் இரண்டாவது பாதி இருந்துச்சு, இது எல்லாருக்கும் பிடிச்சிருக்குமானு சந்தேகம் தான்.

இடைவேளை வரை கதையே சொல்லாமல் , இடைவேளைக்கு பின்னால் கதை சொன்னால் போதும் என்ற ஃபார்முலாவில் பார்த்துக்கொண்டிருந்ததற்கு இது ஒரு நல்ல மாற்றம். 

படத்தோட உண்மையான ஹீரோ சிம்ஹா தான் அவரு இருக்குற சீன்ல அவரு தான் முக்கியமா தெரியுறாரு,பிட்சாவிலே யே டெக்கின்லான விசயத்தில ஸ்கோர் செஞ்சிருப்பாரு கார்த்திக் சுப்புராஜ், இதுலயும் அந்த இடம்லாம் எல்லாம் சரியா செஞ்சிருக்காரு, அதுவும் சிம்ஹாவோட ஸ்கீரின் பிரஸ்னஸ்க்கு ரொம்பவே மெருகு ஏத்திருக்கு. ஆனா சித்தார்தோட நடிப்புல ஒரு சில இடங்கள்ல இன்னும் நல்லா பன்னிருக்கலாம்னுதான் தோனுச்சு.

படத்தோட கடைசி அரைமணி நேரம் மிகபெரிய கோன ஊசி வளைவை எடுத்துச் செல்கிறது இது நான் படத்தின் பலமும் ,பலவீனமும்.படம் எனக்கு பிடித்திருந்தது.

பி.கு: கட்டுரையின் ஆரம்பத்தில் அபத்த நகைச்சுவை என்று நான் போட்டிருப்பதால் யாரும் வந்து உனக்கு சார்ல் சாப்ளின் தெரியுமா, டொரண்டினோவோட சித்தப்பாவைத் தெரியுமானு கேள்வி கேட்க வேண்டாம். சின்ன ரிவ்யுவை படிச்சதற்கு நன்றி..

பிடித்த இயக்குனர்கள் – 1---கிரிஸ்டோபர் நோலண்

கிரிஸ்டோபர் நோலண்

நண்பர்களுக்கு வணக்கம்.ரொம்ப நாள் அப்புறம் திருப்பியும் எழுதலாம்னு இருக்கேன், பார்ப்போம் இந்தவாட்டியாவது கண்டுனியூவாவுதானு. இதை எழுதுறதுக்கு முன்னாடி சமூக வலைதளங்கள் மூலம் எனக்கு கிடைத்த நண்பர்களுக்கு ஒரு நன்றியை தெரிவிச்சிக்கிறேன், ஏன்னா நான் பெருசா சினிமா ஆர்வமோ,கலை ஆர்வமோ இல்ல வாழ்க்கை மீது கலைப் பார்வையோ இருக்கிற ஆள் கிடையாது, லட்சியமற்ற வாழ்க்கையை லட்சியமென் செய்துக் கொண்டிருந்தேன். கிட்டதட்ட காகித மலர்கள்ல வர செல்லப்பா மாதிரி.

தமிழ்,ஹிந்தி சினிமாக்களைத் தாண்டி எனக்கு பரிச்சியமில்லை பரிச்சியம் ஏற்படுத்திக் கொள்ளவும் முயற்சியும் செய்யவில்லை. 18,19 வயதுகளில் இருப்பது போலவே என்னைப் பற்றியும்,புற  உலகைப் பற்றியும் சினிமா பற்றியும் முன் முடிவுகளோடு இருந்துவந்தேன்.தமிழ், ஹிந்தியைத் தாண்டி அயல் மொழிகளில் நான் பார்த்த குறிப்பிடத்தக்க படங்களெல்லாம் அரைமணி நேரப் படங்கள் மட்டுமே. அதைத் தாண்டி நான் தேடவும் இல்லை.

இப்படி இருந்துட்டு இருக்கும் போது தான் ஒரு நாள் செம் பிராக்டிக்கல்ஸ்க்கு பயிற்சித் தேர்வு.பயிற்சித் தேர்வுனா தான் உங்களுக்கு தெரிஞ்சிருக்குமே ஒரு மணி நேரத்துலயே வகுப்புகள் முடிஞ்சிடும், ஒன்பது மணிக்கு உள்ள போய் 10 மணிக்கு வெளியா வந்தாச்சு நானும் என் நண்பர்கள் இருவரும். அப்ப சல்மானோட தபாங் ஓடிக்கிட்டு இருந்துச்சு. அந்த இரண்டு நண்பர்கள்ல ஒருத்தன் சல்மானோட தீவிர விசிறி இன்னொருத்தன் அந்த படம் பார்த்துட்டு சூப்பர் வேற சொல்லிக்கிட்டுருந்தான் உடனே முடிவு பன்னி ஆவடில இருந்து தேவி தியேட்டருக்கு வந்தோம் டிக்கட் இல்லைனு சொல்லிட்டான்.

அதோட நாங்க கட் பன்னிட்டு போயொருந்த நான் இப்ப இதை எழுதிக்கிட்டிருக்க மாட்டேன், கட் பண்ணாம் சத்யம் போனோம் தேவிலயே டிக்கட் இல்ல சத்யம்ல எப்படி இருக்கப்போகுதுனு நினைச்சுக்கிட்டே போனோம் தபாங் மதியம் மூனறைக்கு தான் காட்சி, என்ன தான் ரசிகர்களா இருந்தாலும் 3 மணி நேரம் காத்திருக்க முடியாது. அப்ப இரண்டு படம் 5 நிமிசத்துல ஆரம்பிக்கற மாதிரி இருந்துச்சு ஒன்னு விஸ்னு-ஸ்ரீகாந்த் நடிச்சப் படம் இன்னொன்னு INCEPTION.

இந்த INCEPTION படம் மீது எனக்கு ஏதோ ஒரு ஆர்வம், இதோட தமிழ் டப்பிங் தலைப்பு வேற “கனவு வேட்டை”னு வைச்சிருந்தாங்களா அதுவும் ஒரு காரணம். சரினு எடுத்தோம் அன்னைக்கு என்ன ஷ்பெசல்னு தெரியலை சப் டைட்டிலோட படங்கள் போட்டாங்க நல்லது தானே நாங்க மூனு பேரும் போய் உட்கார்ந்தோம்.

உண்மைய சொல்லனும்னா இது வரைக்கும் அவ்வுளவு வேகமான ஒரு திரைக்கதையை நான் அனுபவிச்சதில்லை அப்படி ஒரு வேகம், ஆரம்பிச்ச 10 நிமிசம் கழிச்சு வாயைத் திறந்தவன் தான் கடைசி வரைக்கும் மூடவே இல்லை, சும்மா கட்டிப் போட்டு வைச்சிடுச்சு. இதுக்கு முன்னாடி நான் அப்ப அப்ப ஆக்‌ஷ்ன ஆங்கிலப்படங்கள் பார்ப்பதுண்டு அதில் மொக்கயாக ஆங்கிலத்தில் ஒரு ஜோக் வரும் எனக்கு அந்த ஜோக் புரிந்துவிட்டது என்று காட்டுவதற்காகவே கைத்தட்டி ஒரு சிரிப்பை சிரித்து வைப்பேன் இதில் அதுக்கு கூட வாய்ப்பே வழங்காமல் கட்டி போட்டு வைத்திருந்தார் இயக்குனர்.

படம் முடிந்தது படத்தின் பெயர் போட்டவுடம் DIRECTED BY CHRISTOPHER NOLAN என்று தலைப்பு வந்தது, இதற்கு முன் அந்தப் பெயரை கேட்டிருக்கேன் என்றாலும்,அதை மனதில் நினைத்து கொள்ளும் அளவுக்கு பெரிய பெயரோ இல்லை இவரை வைத்து தான் பின் சமூக தளங்களில் எனக்கு நண்பர்கள் கிடைப்பார்கள் என்று எனக்கு அப்ப தெரியாது.

அந்த நாள் பிறகு நான் முடிவு எடுத்த ஒன்று ஒரு லேப்டாப் வாங்குவது என்று, எப்படியோ பிராஜக்ட் அது இது என்று சொல்லி வாங்கியாச்சு. நண்பர்கள்க் கிட்ட கொஞ்சம்,பின் நான் பதிவிறக்கம் செய்த்து கொஞ்சம்னு செஞ்சு ஒரு மினி கலக்‌ஷ்னை ரெடி பன்னிக்கிட்டேன் அதுல முதல பார்க்க ஆரம்பிச்சது க்ரிஸ் நோலன் படங்களைத் தான்.

“ப்ரெஸ்டிஜ்”, “டார்க் நெளைட் வரிசை”,”மெமண்டோ” என அவரின் படங்களை பார்த்து முடித்தேன். ஒவ்வொன்றும் ஒவ்வொறு விதத்தில் தனித்துவமான, வேகமான,விவேகமானப் படங்கள். அவரது படங்களில் நான் முதலாக அவதானித்தது கூர்மையான வசனங்கள். வசனங்கள் எப்படி ஹீரோயிசத்துக்கு முக்கியமென்பதை நன்கு அறிந்து வைத்திருந்தவர் க்ரிஸ் நோலன். நண்பர் சிவராஜ் அவர்களின் பிளாக்கில் அதைப் பற்றி குறிப்பிட்டிருப்பார் பேட்மேன் பிகின்ஸில் நாயகி ப்ருஸைப் பார்த்து  நக்கலாக அவனது நடவடிக்கைகளை கண்டணம் செய்துவிட்டு போவாள் அப்பொழுது அவள் பேசிய அதே வார்த்தைகளை இறுதி காட்சியில் ப்ருஸ் பயன்படுத்திக்கொள்வான்.

இது போன்ற உதாரணங்கள் எல்லாப் படங்களிலும் வரும் டார்க் நெளைட்டில் “Very poor choice of words”, பிரெஸ்டிஜில் அந்த மேஜிக்கின் மூன்று நிலைகளை படத்தின் ஆரம்பத்திலும் முடிவிலும் பயன்படுத்தியிருப்ப்பது போன்ற விசயங்கள்.

மேலும் அவர் படங்களில் எனக்கு பிடித்த இன்னொரு விசயம் கதையை எவ்வுளவு சீக்கிரம் ஆரம்பிக்க முடியுமோ அவ்வுளவு சீக்கிரம் ஆரம்பிப்பார். இந்த விசயத்தில தான் எனக்கு தமிழ் சினிமாவின் மீது எனக்கு மிகவும் கோவம் தருகிறது கதையை இடைவேளைக்கு பிறகு ஆரம்பிப்பதி இப்பொழுது ஒரு டிரெண்டாக உள்ளது (சமீபத்தில் வந்த் வேலையில்லா பட்டதாரி ஒரு எ.கா.,).

விறுவிறுப்பான திரைக்கதைக்கு அவருக்கு உறுதுனையாக இருப்பவர் அவர் தம்பி ஜொனத்தன் நோலன், இருவரும் சேர்ந்து படு வேகமான நல்ல சினிமாக்களை எடுத்து வருகிறார்கள். என்னை சினிமாவின் மீது ஆர்வத்தை ஏற்படுத்தியது போல் பலர் மீது தங்களுது பாதிப்பகளை விட்டு சென்றுக்கொண்டிருக்கிறார்கள். அவர்களின் பனி தொடரட்டும்.

MORAL: மூனு பேர் சேர்ந்து போன காரியம் உருப்படாதுனு சொல்றது ஒரு      பொய் நாங்க மூனு பேர் போய் பார்த்தப் படம் தான் என் ரசனையை மாத்திடுச்சு.

HOUSE OF CARDS SEASON-1

நாம என்னதான் மறுத்தாலும் நம்ம எல்லோருக்கும் நம்ம நாட்டோட அரசியல் பதவிகள் மேல ஒரு ஆசை இருக்கும், நாம் இருந்தா எவ்ளோ நல்லது செய்யலாம், நான் மட்டும் பிரதம மந்திரியா இருந்தா பாக்கிஸ்தானை அழிச்சிடுவேன், பஞ்சத்தை தீர்த்திடுவேன்,எல்லோருக்கும் இலவச கல்வி கொடுப்பேன் அப்படி இப்படினு எல்லாரும் ஒரு வாட்டியாவது கனவு கண்டிருப்போம் (தினமும் ஒருவாட்டி) .. ஆனா நாம் என்னதான் நல்லவனா இருந்தாலும் அரசியல்னா அரசியல் தான் பன்னனும்,இன்னொருத்தனுக்கு கெடுதல் நடந்தா தான் நமக்கு நல்லது நடக்கும்.. ஹவுஸ் ஆஃப் கார்ட்ஸ் நான் பார்த்த அரசியல் சம்பந்தப்பட்ட படங்களில் மிகச்சிறந்தது (இது ஒரு நெட்விலிக்ஸ் சீரிஸ், இந்தியாவில் z-cafeஇல் ஒளிப்பரப்பானது).

இது முதலில் பிபிசி இல் சீரிஸாக எடுக்கப்பட்டது அதைப்பார்த்த டேவிட் ஃபின்ச்சர் அதை எடுக்க விருப்பப்பட்டு அமெரிக்காவில் தன் தயாரிப்பின் கீழ் இந்த சீரிஸை எடுத்தார்,முதல் இரண்டு எபிஸோடுகளை அவரே இயக்கவும் செய்தார்(இது போதும் நீங்க இந்த சீரிஸை ஸ்டார்ட் செய்ய).

அமெரிக்க காங்கிரஸ் சபையில் whipஆக இருப்பவர் frank underwood, அவருக்கு புதிய காங்கிரஸில் secretary of the state பதவி வழங்கப்பட இருந்தது அது கடைசி நேரத்தில் அவருக்கு மறுக்கப்படுகிறது..பின் எப்படி அவர் ஒவ்வொரு கார்டாக அடுக்கி தன் அரசியல் பாதையை மாற்றி அமைக்கிறார் எனபது தான் கதை சுருக்கம்..

இது அமெரிக்க அரசியலாச்சே நமக்கு இது புரியுமானு ஒரு சந்தேகத்துலயே நான்  இதை ரொம்ப நாள் கிடப்புல போட்டு வைச்சிருந்தேன், ஆனா ஏதோ ஒரு உள்ளுணர்வு இது எனக்கு இது பிடிக்கும்னு இதை பார்த்தே ஆகனும்னு சொல்லிக்கிட்டே இருந்துச்சு,முக்கியமா கெவின் ஸ்பேஸியோட போஸ்டர்கள் இதை என்னை பார்க்க வைச்சது.

முதல்ல சில பொதுவான அமெரிக்க அரசியல் விசயங்களை நாம தெரிஞ்சிக்கனும்.அமெரிக்காவிலும் நம்ம நாடாளுமன்றம் போல இரண்டு சபைகள் உண்டு. காங்கிரஸ் சபை,செனட் சபை. இதில் காங்கிரஸ் சபையின் பதவி காலம் இரண்டு ஆண்டுகள், செனட் சபையின் பதவி காலம் ஆறு ஆண்டுகள்.அமெரிக்காவில் இருக்கும் மாகானங்களின் மக்கள் தொகைக்கு ஏற்ப காங்கிரஸ் சபையில் அந்த மாகானங்களின் காங்கிரஸ் உறுப்பினர்கள் இருப்பர் ஆனால் செனட் சபையில் ஒரு மாகானம் எவ்வுளவு சிறியதாக இருந்தாலும் பெரியதாக இருந்தாலும் அதற்கு இரண்டு செனட் உறுப்பினர்கள் இருப்பர், இதன் மூலம் சிறு மாகானங்களின் உரிமைகள் பாதுகாக்கப்படும். காங்கிரஸ் சபையில் எந்த திட்டம் கொண்டுவந்தாலும் அதை நிறைவேற்ற செனட் சபையின் ஒப்புதல் அவசியம்.

இதில் கதையின் நாயகன் ஃப்ரான்க் அண்டர்வுட் காங்கிரஸ் சபையில் ஏற்றிருக்கும் பதவியின் பெயர் whip, காங்கிரஸ் சபையில் மிக முக்கியமான பதவி. தமிழ்ல இதுக்கு பேரு கொரடானு சொல்லுவாங்க. நம்ம மாநில அரசியலை மட்டும் கவனிச்சிக்கிட்டு வந்தோம்னா அந்த பதவி பத்தி பெரிசா நமக்கு தெரிய வராது ஆனா மத்தில மிக முக்கியமான ஒரு பதவி.ஒரு கொரடாவோட வேலை அந்தக் கட்சியோட மேனஜர் மாதிரி.ஒரு ஆளும் கட்சி கொரடா,ஆளும் கட்சி சபையில கொண்டுவர திட்டத்தை நிறைவேற்றதுக்கு என்ன தேவை,ஒட்டெடுப்பு நடந்தா பெருமான்மையா எப்படி கொண்டு வரனும் எல்லாத்தையும் அவர் தான் பார்த்துக்கனும்.கொரடாட்ட ஒப்புதல் வாங்காமா எதுவும் கொண்டு வரமாட்டாங்க. 

அமெரிக்க காங்கிரஸ் சபையில் கொரடாவாக இருக்கும் ஃப்ரான்க் அண்டர்வுட்டுக்கு இந்த முறை செக்ரட்டரி ஆஃப் ஸ்டேட் பதவி வழங்கயிருந்த நிலையில் புது ஜனாதிபதி ஃப்ரான்க்கின் சேவை காங்கிரஸுக்கு தேவைனு சொல்லி அவருக்கு செக்ரட்டரி பதவி வழங்க மறுக்கிறார். இதனால் ரொம்பவும் மனம் உடைந்து போகும் ஃப்ரான்க் தன்னோட அரசியல் விளையாட்டுகளை செய்ய ஆரம்பிக்கறார்.

புதிய ஜனாதிபதி தன்னோட முதல் திட்டமா கல்வியில் மாற்றம் கொண்டுவரும் ஒரு அரசியல் திட்டத்தை சபையில் நிறைவேற்ற நினைக்கிறார். இது முதலில் ஒருவருக்கு தரப்படுகிறது, ஃப்ரான்க்கின் மேற்ப்பார்வை நடக்க வேண்டும் என ஜனாதிபதி விரும்புகிறார். ப்ரான்க் அந்த திட்டத்தை தன் திட்டத்துக்குள் கொண்டு வந்து முழு பெயரையும் அவரே ஜனாதிபதியிடம் இருந்து பெறுகிறார். இதற்கு  அவருக்கு உதவியாக வாஷிங்டன் ஹெரால்டில் வேலை பார்க்கும் zoeyயும் பத்திரிக்கை உலகில் பெரியவளாக வேண்டும் என்பதற்க்காக ஃப்ரான்க்குக்கு உதவுகிறாள்.

இதற்கு இடையில் காங்கிரஸ் சபையில் இளம் உறுப்பினரான் பீட்டர் ரூஸோ குடித்துவிட்டு ஒரு விலைமாதுவுடன் கார் ஓட்டிச் செல்லும் பொழுது போலிஸிடம் மாட்டிவிட அவரை போலிஸிடம் இருந்து விடிவித்து ஃப்ரான்க்கிடம் மாட்டிக்கொள்கிறார் ஃப்ரான்கின் அரசியல் விளையாட்டுகள் முழுவதிலும் பகடைக்காயாக இருப்பவர் பீட்டர் ரூஸோ.

இந்தக் கதைகளைத் தவிர,ஃப்ரான்க் மற்றும் அவரது மனைவி கிளைரின் கதையும் ஒரு தனி டிராக்காக ஓடிக்கொண்டிருக்கிறது.அதுவும் ஒரு சுவாரஸ்யமான டிராக் தான். பிரான்க் மேல காதல்,அவருக்காக எல்லாம் செய்ய நினைக்கும் கிளைர் இருந்தாலும் அவர் மனசுல இருக்கும் சின்ன சின்ன கோபங்கள்,காதல்கள்,அவரது கம்பெனியில் நடக்கும் விசயங்கள் என ஃப்ரான்க்குக்கு பிறகு ரொம்ப சுவாரஸ்யமான,முக்கியமான கேரக்டர்.

அது எப்படி கெவின் ஸ்பேசியை பத்தி பேசாம இருக்க முடியும். மொத்த சீரிஸையும் தாங்கிப் பிடிக்கிறதே அவர் தானே. முதல் எபிஸோடுல முதல் காட்சில ஒரு நாய் கார்ல அடிப்பட்டு செத்துக்கிட்டிருக்கும் அதுக்கு உதவி செய்ய போகும் போது ஸ்பேசி கேமராவைப் பார்த்துக்கொண்டு நமக்கு வலிகளை பற்றிப் பாடம் எடுப்பார்.அதுல இருந்தே தூள் தான். ஒரு காட்சிக்கு நடுவுல லேசா கழுத்தை திருப்பி அவர் நம்மளைப் பார்த்துட்டு திரும்பவும் காட்சிக்குள்ள போவார், அந்த மாதிரி சின்ன சின்ன கேப்ல கூட கோல் அடிச்சிட்டு போயிடுவார் ஸ்பேசி.

சீரிஸ்கள் நான் பார்த்ததில்லைனு சொல்றவங்களூக்கு இதை என்னால ஒரு ஸ்டார்டரா உங்களுக்கு தெரிவு செய்ய முடியாது,ஆனா இதை அமெரிக்க அரசியலாச்சேனு சொல்லி தவிர்க்கிறவுங்களுக்கு- கொஞ்சம் கவனிச்சோம்னா எல்லா ஊர் அரசியலும் ஒரே மாதிரி தான். கண்டிப்பாக பார்க்க வேண்டியது.

( இடையில் சில பிரச்சனைகளால் இந்த பிளாக்கில் இருந்து விலகியிருந்தேன், என்னை மீண்டும் வரவைத்த ஆண்டிச்சாமிக்காக இந்த போஸ்ட்)

அரசமரத்தடி பிள்ளையார்.

அரசமரத்தடி பிள்ளையாரை எனக்கு எப்பவும் ரொம்ப பிடிக்கும். அவர் பெரிய கோவில்கள் கட்ட சொல்லி கேட்பதில்லை,யாக சாலைகள் அமைக்கச் சொல்லவில்லை,தினமும் பூஜைகளும் நடப்பதில்லை.. ஆனாலும் அவர் இருக்கிறார் பத்தாவதுல பாஸாக வேண்டும் என்று வேண்டும் விடலைகளுக்காக...